مذكرات طفل

هذه كلمات مسـروقَـة من دفتـر طفـل

السبــــت :
صحوت من نومي ، أبحث عن مسلسل [ نُـور ]
فقالوا لي : أغمـض عيونك ، وغمضت
بعدها لم أرى { لا أبيـض ولا أسـود } !
ـــــــــــــــــــــــــــــــــــــــــــــ ـــــ ـــــــــــــــــــــــــــــــــــــــــــــ ـــــ ــــــــ ..
الأحــــد :
كنت أسمعهـم يقـولون :
ياحمـار ، يا حيوانة ، يا ثَـور ، يا بقَـرة ، يا كلب ، يا قردة
توقعت أني في [ حديقَـة حيوانات ]
فتحت عيـوني كي أرى هـ { الحيوانات }
قَالوا لي : { ماتشوفش ، قلـة أدب }
سألتهم : باهــي .. [ في عصفـور ] ؟؟
صرخوا في وجهي : [ غمض عيونك و ادمدر ]
ـــــــــــــــــــــــــــــــــــــــــــــ ـــــ ـــــــــــــــــــــــــــــــــــــــــــــ ..

الاثنيــــن :
سمحوا لي أن أتفرج على التلفـزيون
كنت وحــدي منسجم مـع أفلام رسوم متحركة
دخلت أمي ، وكان أبو عائلة آدمـز ( يَبـُوسْ ) أمهُمْ
ركضت أمي وغيـرت القَنـاة
وصرخت بِـأعلى صوتها [عيب عليك قَاعد اتشوف قلـة أدب ]
{ ناظرتها بكل بـراءة } وأنا مستغرب من تصرفها : شن صار ماما ؟!!!
أبوهم يبـوس في أمهُـم !
صرخت في وجهـي وهي غاضبـة [ البـوس قلـة أدب ]
بعدها بِـأسبـوع ، رأيت أمي تسَلِمْ على أم الجيران و{ تَبوسَهْا }
قلت وأنا كُلي أسىً : [ ماما ، البوس قلة أدب ] !
ـــــــــــــــــــــــــــــــــــــــــــــ ـــــ ـــــــــــــــــــــــــــــــــــــــــــــ ـــــ ـــــــــــــــ ..
الثلاثـــاء :
كانوا بنات خالَتـي عندنا ، وكنت الولد الوحيد اللي يلعب معاهم
و بابا ايفنص في عيونه فيا وين ما نمشي ووين ما انجي
و بعد ما روحوا بنات خالتي ، ناداني بابا وقَالي :
{ عيب الواحد يجلس مـع بنات ، قلة أدب ]
بعدها بكم يـوم ، كان بابا جالس مـع عمـاتي بروحـه
نظرت إليه بِـطَرف عيني وأنا حاقـد عليه
وقلت في نفسي :{ بابا قاعد يجلس مـع بنات ، بابا قَليل أدب }
ـــــــــــــــــــــــــــــــــــــــــــــ ـــــ ـــــــــــــــــــــــــــــــــــــــــــــ ..

الاربِعـــاء :
كنت أسمعهـم دائماً يقولون [ جيـم كيرِي فَاسـد ] ، فَـكرهتـه من قَلبي
وفجأة أراهم يتفرجون على أفلامه ، ويضحكـون
سألتهم : ليش تضحكوا ، مش قلتوا هذا فاسد ؟
قَالوا : صكر فمك واسكت !
ـــــــــــــــــــــــــــــــــــــــــــــ ـــــ ـــــــــــــــــــــــــــــ ..
الخميــــس :
كنت جالس مع بابا ، قَالي خلصت واجباتك ؟
قول الحق ، لا تكذب ، الكذب حرام ، واللي يكذب يدخل النـار
وبعدها رن جرس الباب ، فقالي بابا : لو عمك قوله بابا نايم
فتحت الباب وكان عمي ، سلم علي وقاللي : وين بابا ؟
قلت : بابا قاللي قبل ما نفتح الباب أنه نايم
ضحك عمي و راح
لما قفلت الباب صرخ بابا في وجهي ، ما تفهمش انت يا بهيم ؟
قلت بابا [ أنا ما نبيش ندخل النار ، لأنها تحرق ]
ـــــــــــــــــــــــــــــــــــــــــــــ ـــــ ـــــــــــــــــــــــــــــــــــــــــــــ ..
الجمعــــة :
سمعتهم يقولون :
اللي ايطول في الكلام ع التليفون [ رازيل ]
و اللي يمشي للأسواق ديمة [ رازيل ]
و اللي يعرف الإنترنت [ رازيل ]
و أنا ما نعرفش شن معناها [ رازيل ] !!
لاحظت ماما ديمة اتطول ع التليفون ، وكل يوم تمشي للسوق ، و ديمة عالكمبيوتر و لما سألتها : شن في الكمبيوتر ... قالتلي : أمشي بعيد هذا انترنت !!
مشيت نجري لبابا : بابا تعــــــالا ، { ماما رازيلة }

/

أنتهت السرقة

هناك تساؤلات كثيرة و متعددة في أذهان أطفالنا لا يجدون لها إجابة ، ونحن نعلمهم بتأفف ... و نتعامل مع عقولهم كما نتعامل مع الكبار ، والتناقضات تتقافز بين سلوكنا وما نجبرهم عليه ، مما توههم مساكين و شتت كيانهم ،
ولعل النقاش في مثل هذه [ المآسي التربوية و الإجتماعية ] يطول و يتشعب

مشكوررررة يسلمو دياتك جريئة


تقبلي مروري

بصراحه موضوعك اكتير مهم ومفيد
يسلمو اديك حبيبتي الجريئه ...كما عودتنا مواضيعك في قمة من الروعه
جزاك الله كل خير